Tasuqilt n yeḍṛisen igejdanen n uwanak azzayri ɣer Tmaziɣt

I lmend n Umagrad wis 4 n tmenḍawt ay yesteɛṛfen s umkan n tmaziɣt d tutlayt tunṣibt ɣer yidis n taɛṛabt, yebda Useqqamu Unnig i Timmuzɣa tasuqqilt n yiḍrisen n llsas n tegduda tazzayrit. Yella-d waya deg ukatar n uneggaf yellan gar Useqqamu Unnig i Timmuzɣa d uɣlif n teɣwalt.

Omar Mouffok

Yenna-d uneɣlaf n teɣwalt, Hamid Grine, dakken aɣlif-nnes « yettili dima deg yizirig amezwaru deg wayen yerzan asnegmu n tutlayt tamaziɣt. »

Tiɣri n Umenzu n Wamber 1954 d nettat ay d aḍris unṣib amezwaru ay yettwassuqqlen ɣer tmaziɣt, sakkin rnan ssuqqlen aḍris n Tɣerɣert n Ṣṣumam n 1954.Yella-d waya i ussejhed d usserked n umkan n tutlayt-a.

Ma d Si El Hachemi Assad yenna-d dakken yella-d waya « akken ad nemselɣu s tutlayt tamaziɣt, yernu ayen ara yesjehden ugar leqdic-a d abdad ay beddent tsuda n uwanak deffir-s ».

Ulac ccekk dakken tasuqqilt n yiḍrisen-a ad yettekki deg usnegmu n tmaziɣt d ussedd-nnes deg tmetti.

(Visited 12 times, 1 visits today)

You might be interested in