Uṭṭun azegzaw i uḥraz n yigerdan seg tukerḍa d uɛraq

Tga-d temsulta tazzayrit uḍḍun n 104 i lmend n uberreḥ ɣef uɛraq n yigerdan neɣ tijrimin ara d-yilin mgal-nsen.

Omar Mouffok

Yella-d uzwur-a deg ukatar n uɣawas aɣelnaw mgal uxḍaf n yigerdan. Yenna-d ufesyan ameqran n temsulta, Omar Laroum dakken « yebda wuḍḍun-a yetteddu ɣer tebniqin d-yelhan d uḥraz n yigerdan deg Lezzayer s umata », am wakken ay d-yerna dakken « uḍḍun-a yerza daɣ iɣermanen uḍɛifen am yiwessaren d yimeɛdaṛ », imi ay ttilint tegnatin aydeg kra n yimɣaren neɣ imeɛdaṛ tteffɣen seg uxxam yernu ɛerrqen.

Uḍḍun-a d win ara yessifessen tifin n wid yettwaxeḍfen. Ɣef leḥsab n Tmehla Tamatut n Tɣellist Taɣelnawt, gar 21 n yimdanen ay yettwaxeḍfen seg 23, tessaweḍ temsulta ad d-teslelli ala 6 n yimdanen. Ula ma 70% seg yinejrimen yettekkayen deg yixḍafen-a ttwaḍḍfen, maca amur ameqran seg wid yettwaxeḍfen ya mmuten neɣ ur ten-id-ufin ara.

Yusa-d wuḍḍun-a n 104 i lmend n usnerni n yidles n uberreḥ deg tallit aydeg yegget uxḍaf n yigerdan.

(Visited 4 times, 1 visits today)

You might be interested in