Yemmut ucennay Djamel Allam, timḍelt-nes di Bgayet

Yemmut ucennay Djamel Allam ass n ssebt deffir n yimekli deg usbiṭar deg Paris seg yuḍen acḥal aya, i d-nnan leqruban-is i Tnegga n Yisalan n Lezzayer.

Nassim Smaoun

Ad d-taweḍ tfekka n Djamel Allam, yiwen seg yimeqranen n ccna aqbayli atrar, ass n usinas (ttlata), yernu ad tettwamḍel deg tmeqbert n Sidi Mḥemmed Ameqran deg Bgayet, tamdint aydeg d-ilul unaẓur-a yewwḍen leɛfu n Yuc ɣer 71 n yiseggasen deffic acḥal n yiseggasen n waḍḍan, ɣef wakken ay d-xebbren yiqriben-nnes.

Ad tettwazen tfekka n umeṛḥum seg Fṛansa ɣer unafag agraɣlan n Abane-Ramdane deg Bgayet, anda ara ssuddsen tafugla n ussiweḍ n ṛṛeḥma, d tajmilt i unaẓur-a, ɣef wakken ay d-yenna Rabah Allam, gma-s n umeṛḥum.

Djamel Allam d yiwen seg yizamulen n ccna aqbayli atrar, yelmed aẓawan deg uɣerbaz n uẓawan n Bgayet akken kan ay tewwi tmurt azarug, sakkin yebda-d amecwaṛ-nnes n ccna deg Lezzayer uqbel ma ikemmel-it deg uzɣar.
(Visited 8 times, 1 visits today)

You might be interested in