Asekcem n Tamaziɣt ɣer wannar uxeddim n weḥric n teɣdemt

Iga-d Useqqamu Unnig i Timmuzɣa yiwen n umyager ed yimsaduren n teɣdemt i lmend n ussidef n tmaziɣt ɣer ugzum n usaḍuf d teɣdemt.

Omar Mouffok

Deg umyager-a, ssawlen-d ɣef uheyyi n umawal n yirmawen n usaḍuf akken ad teqqel tmaziɣt tettwasseqdac deg teɣdemt akken ad zemren medden ad ttemcaṛaɛen s tutlayt tamaziɣt.

« Ad iniɣ tanemmirt i Mass aneɣlaf n teɣdemt, Tayeb Louh, imi ay d-yefka takti i wanect-a », ay d-yenna Mass El Hachemi Assad, am wakken ay d-yerna dakken « yessefk ad neg asegzawal meɣɣren n wawalen ara nesseqdec deg ugzum n teɣdemt. »

Ma d asdawan Mohamed Djellaoui, yenna-d dakken, seg leɛḍil ad d-yejwed usegzawal-a, « yessefk ad ilin yimsuqqlen s wawal deg yixxamen n ccṛeɛ, » d wid ara yessifessen tasuqqilt gar unezraf d yiɣermanen ara icaṛɛen s tutlayt tamaziɣt.

Tella-d tekti-a deg ukatar n Umagraw wis 4 n tmenḍawt yettwaceggren deg 2016, ay yesteɛṛfen s tutlayt tamaziɣt d tutlayt tunṣibt n Lezzayer ɣer yidis n taɛṛabt.

(Visited 6 times, 1 visits today)

You might be interested in